SOCIEDAD SACERDOTAL DE LA SANTA CRUZ

Diocesano sacerdotecuna yaicuncumanmi Opus Deipi Sociedad Sacerdotal de la Santa Cruz niscca organizacionman. Chaipim cancu prelaturapa sacerdotencuna, jinallatacc diocesano sacerdotecuna otacc diaconocunapas.

Sociedad Sacerdotal de la Santa Cruzpim taricuncu 4.000 sacerdotecuna. Paicunapa presidentenmi Opus Deipa preladon. Chai sacerdotecunam chasquinchu espiritual yanapaita, pastoral llamcasccancupi santo-caiman chayai atinancupacc, Opus Deipa yachachisccanman jina.

Diocesano sacerdotecuna Sociedad Sacerdotal de la Santa Cruzman yaicuspancucca manam prelaturapa presbiteriomanchu yaicuncu. Sapa sacerdotem quiquimpa diocesisllampi cceparin; quiquincupa obisponcupa camachisccallan, pastoralpi llamcasccancumantacca paillamantaccmi cuentata cconancu. Concilio Vaticano IImi munan caina asociacioncuna Iglesia Catolipapi jatallinancuta.

Sacerdote diocesano Sociedad Sacerdotal de la Santa Cruzman yaicunampacc, Diospa Opus Deiman vocacion ccosccantam yachacunan, chai ñampi santo-caita mascanampacc. Chai vocacionmi caita mañacun: diocesisnin cuyaita, presbiterio diocesanohuan juc sonccolla causaita; obispo cuyaita, pai casucuita; mañacuipi (oración) causaita, teología estudiaita, almacuna mascaita, sacrificio vida apaita; musucc vocacioncuna mascaita; pastoral llamcai suma sumacc apaita. Prelaturam yanapan allin sacerdote jina causanpacc, obisponhuan, huaquin sacerdotecunahuan juc sonccolla causanampacc.

Laico runacuna jinapunim Sociedad Sacerdotal de la Santa Cruzpi sacerdotecuna chasquincu espiritual yanapaita: doctrinal, ascetica yachachiicunata; quillan quillan retiro espiritualta; causancutacc Iglesiapa, quiquincupa diocesisnincupa mañasccancuman jina. Chaicuna Opus Deipa rurasccancca manapunim diocesano obispopa camachisccampa contrampichu taricun; ichacca paitam yanapan, pastoralninta callpanchan.