YACHACHINAPACC RURANACUNA

Prelaturapi runacunacca sapa semanam clasesta chasquincu, circulo sutiyocc juñunacuipi. Chaipim yachancu espiritupi causaita, Jesucristoman ric-chacunancu raicu. Sapa quillam retirota rurancu parte punchau, chapin yuyainanancu, oracionta rurancu cristiano cainincupi huiñanancupacc. Chainallataccmi huatapi ju cutita retiro espiritualta rurancu, quimsa punchaumanta pich-cca punchaucama.

Chaicunallatataccmi chasquincu cooperadorescuna (Opus Dei yanapacc-cuna), jatun runacuna, otacc huaina runacunapas (ccaricuna, huarmicuna), Diosman asuicui munacc-cuna.

Chai medios de formacion nisccatacca chasquina Opus Deipa huasincunapim, otacc juc huasipipas. Jinallataccmi chai circulo nisccatapas; retiro espiritualtacc maiccen iglesiapipas párroco otacc sacerdotepa camachisccanman jina.

APOSTOLADO RURAI

Prelaturapa evangelización rurasccanmi llapanmantapas ashuan jatun llamcai. Sapa runan muyuriccnimpi Jesucristota reccsichinan ejemplohuan, allin causaihuan, pitapas llamcainimpi yanapaspan, imataña runacuna rarasccancu ucupipas.

San Josemaría nircca: “Opus Deipa llapanmantapas ashuan jatun llamcainincca taricun munacc runacunaman, medios espirituales ccoimi, paicuna cai teccsimuyupi allin cristianocuna jina causanancupacc”.

Opus Deipa llamcainincca manam jucllachu, educación ccoi, occocc-cuna, suchucuna jampiillachu. Ichacca maipiña runacuna taricusccancupim, imapiña llamcasccancupim, cai pachapi tucui problemacunata ccespichinancum yachacun, iñisccancuman jina causaspancu; maipiña, imapiña taricuspancupas Jesucristopa munasccanman jina causaspancu.

OBRAS CORPORATIVAS NISCCACUNA.

Achca niraccmi Obras de apostolado corporativo, Opus Deipi runacunapa rurasccan, chai ruraicunatam yanapan cooperadorcuna, juc runacunapas. Chai ruraicunacca sociedad civil niscca ric-chainiyoccmi cancu; manataccmi negocio ruranapacc-chu, ichacca apostolado ruranapacc, runacuna servinapacc.

Obras corporativascunacca can: educaciompi, huac-chacuna yanapaipi; yachai huasicunapi (colegios), huarmicuna yachachii; huac-cha llacctacunapi callantacc postas médicas, estudiantecunapacc huasicunapas; centros culturales nisccacunapas cantaccmi. Chai llamcaicunahuancca Prelatura Opus Deicca manam comerciota nitacc negociota ruranchu; nitaccmi maiccen politicatapas sayapacunchu.

Chai llamcaicunacca sapacama runapa rurasccanmi can, quiquincupa sutincupi, mana Opus Dei Prelaturapa sutimpichu. Opus Deicca encargacun espiritual formación, doctrina cristiana ccoipim. Chaipacc gastocunatapas mascancu privado runacunamanta otacc empresacunamanta, becas, donaciones niscca yanapacuicunata.

Ichacca Obras corporativascuna nishu gasto cancu, manapuni negocio casccancu raicu. Chaipaccmi ccollceta churancu Opus Deipi runacuna, pi runapas yanapallantaccmi atisccanman jina; mainimpicca quiquin estadom, otacc llacctacunapi autoridadcuna yanapancu; jinaspapas cantaccmi fundaciones privadas. Empresacunapas -runacunapa allinnimpacc casccanta yachaspancum- yanapaita chayachimuncu.