Opus Dei unanchacca carcca 1928 huatapi. 63 suyucunapim checceriscca taricun.

1928, 2 punchau, Octubre quilla. Josemaría Escrivá de Balaguer ejercicios espiritualista rurachcaspam, Diospa munasccanman jina, Opus Deita unancharcca.

1930, 14 punchau, Febrero quilla. Madrid llacctapi, Santa Misata rurachcaptin, San Josemariaman Dios huillarcca huarmicunapas Opus Deiman yaicui atinancuta.

1933 huata. Opus Deipa ñaupacc cacc huasin (Centro) quicharicun, Academia DYA sutiyocc. Universitariocuna chasquirccacu Derecho, chaimanta Arquitectura yachaicunata.

1936 huata. España llacctapi quiquincupura maccapanacui (guerra civil). Opus Deipa apostolado rurasccan ccollupun chai guerra tucunancama.

1939 huata. Josemaría Escrivá Madrid llacctaman cutimun. Opus Dei checcerin España suyu llacctacunaman. Ccallarin Teccsimuyupi Iscai cacc Maccanacui (segunda guerra mundial). Mana checceriita atinchu teccsimuyupi suyucunaman.

1941 huata, 19 punchau, marzo quilla. Madrid llacctapi Obispo, Leopoldo Eijo y Garay, ñaupacc cutita Opus Deiman aprobacionta ccon.

1943 huata, 14 punchau, febrero quilla. Santa Misa ucupi, Taytacha San Josemariaman ccahuachin, imainatas Opus Deiman sacerdotecuna yaicunancu casccanta: paccarimun Sociedad Sacerdotal de la Santa Cruz.

1944 huata, 25 punchau, Junio quilla. Madrid llacctapi obispo, Opus Deipa ñaupacc quimsa runancunata sacerdoteman ccespichin. Paicunam: Álvaro del Portillo, José María Hernández de Garnica, chaimanta José Luis Múzquiz.

1946 huata. Opus Dei unanchaccnin Roma llacctapi tiyacc ripucun. Ccepa huatacunata illan Europapi suyucunaman, chai llacctacunapi checceriscca canampacc ñanta quicharistin.

1947 huata, 24 punchau, Febrero quilla. Santa Sede ccon ñaupacc cacc aprobación pontificia nisccata.

1950 huata, 16 punchau, Junio quilla. Papa Pio XII Opus Deiman ccon huiñaipacc aprobación. Chai ccellccam ñanta quicharin casado runacuna (huarmicuna, ccaricuna) Opus Deiman yaicunancupacc. Chaihuanmi secular, otacc diocesano sacerdotecuna Sociedad Sacerdotal de la Santa Cruzman yaicuita atirccacu.

1969 huata. Roma llacctapi, Opus Dei ruran juc Congreso General extraordinario, nisccata. Chaipi tapucuncu imainatas Opus Dei ticracunman chai prelatura personal nisccaman, Concilio Vaticanopa ccellccasccanman jina.

1970-1975 huatacuna. Opus Dei unanchacc illarin catequesis ruranampacc Europa suyucunaman, chaimanta América suyucunamampas.

1975 huata, 26 punchau, Junio quilla. Josemaría Escrivá huañucun Roma llacctapi. Chai punchaumi Opus Deipi carccacuña yacca 60.000 runacuna. Jina chai huatallapi, 15 punchau, Septiembre quillapi, Alvaro Del Portillo acllascca carcca Opus Deipa unanchaccnimpa rantin.

1982 huata, 28 punchau, Noviembre quilla. Papa Juan Pablo II Opus Deita ticrachin Prelatura personalman. Chaipa michiccnin preladontatacc churan Alvaro del Portillota.

1991 huata, 6 punchau, enero quilla. Juan pablo II obispoman ticrachin Monseñor alvaro del Portillota, Opus Deipa Preladonta.

1992 huata, 17 punchau, Mayo quilla. Roma llacctapi, Juan Pablo II Josemaría Escrivata beatoman ccespichin.

1994 huata, 23 punchau, Marzo quilla. Monseñor Alvaro del Portillo huañucun Roma llacctapi. 80 huatayocc.

1994 huata, 20 punchau, Abril quilla. Juan Pablo II churan Javier Echevarríata Opus Deipa Preladompacc.

1995 huata, 6 punchau, Enero quilla. Juan Pablo II Monseñor Javier Echevarriata Opispoman ccespichin.

2002 huata, 6 punchau, Octubre quilla. Juan pablo II Josemaría Escriváta, Roma llacctapi, San pedro plazapi, canonizacionta ccon, santo runa casccanta teccsimuyuman yachachin.

Opus Deipa teccsimuyuman checcerisccan huatacuna.

1945 Portugal
1946 Italia – Gran Bretaña
1947 Francia – Irlanda
1949 México y Estados Unidos
1950 Chile – Argentina
1951 Colombia – Venezuela
1952 Alemania
1953 Guatemala – Perú
1954 Ecuador
1956 Uruguay – Suiza
1957 Brasil, Austria – Canadá
1958 Japón, Kenia – El Salvador
1959 Holanda – Costa Rica
1962 Paraguay
1963 Australia
1964 Filipinas
1965 Bélgica – Nigeria
1969 Puerto Rico
1978 Bolivia
1980 Congo, Costa de Marfil – Honduras
1981 Hong-Kong
1982 Singapur – Trinidad-Tobago
1984 Suecia
1985 Taiwán
1987 Finlandia
1988 Camerún – República Dominicana
1989 Macao, Nueva Zelanda – Polonia
1990 Hungría – República Checa
1992 Nicaragua
1993 India – Israel
1994 Lituania
1996 Estonia, Eslovaquia, Líbano, Panamá – Uganda
1997 Kazajstán
1998 Sudáfrica
2003 Eslovenia y Croacia
2004 Letonia
2007 Rusia