• 87,000 runacunam Opus Deipi taricuncu;

• 98% cancu civilcuna, laico runacuna (huarmicuna, ccaricuna), yacca llapallancum casarascca (matrimoniopi) cancu;

• 2% cancu sacerdotecuna.

Yacca llapallanmi Opus Deipi cacc runacunacca Diosta mascancu matrimonio ucupi.

LAICO RUNACUNA, SACERDOTECUNA

Opus Deipa runancunacca cainam:

Canmi juc camachicucc, paicuna michicc, prelado sutiyocc.

Canmi sacerdotecuna, laico runacunapas (huarmicuna, ccaricuna). Ichacca manam Opus Deipicca canchu categoría de miembros nisccacca. Juc vocacionllatam sapacama apancu casccancuman jina: soterocuna, casarascca cacc-cuna, onccocc-cuna, chacrapi llamcacc-cuna, llaccta ucupi runacuna, jatun yachai huasipi llamcacc-cunapas.

Opus Deipi runacunacca, yacca llapallancu cancu (yacca 70%) supernumerario nisccacuna: ccaricuna, huarmicuna, matrimonio ucupi taricucc-cuna. Paicunam santoyachincu casado vidapi tucui ima rurasccancuta. Sapacamam quiquincupa huasincupi tiyancu.

Juc-cunataccmi cancu agregados nisccacuna (ccaricuna, huarmicuna). Paicuna apostolado ruranancu raicu, soltero vidata apancu, mana casaracuncuchu. Paicunam causancu ailluncu ucupi otacc mai huasipipas, llamcasccancuman jina.

Cantaccmi numerarios niscca runacuna (ccaricuna, huarmicuna soltercama), Opus Deipa huasincunapi (centros) tiyacc-cuna. Paicunam vidancuta ccocuncu Opus Deipi Iglesiata servinancupacc, apostolado ccespichinancupacc; huaquin runancunata yachachinancupacc, santo-cai ñaimpi pusanancupacc.

Chaimantapas cantaccmi chai numerarias auxiliares niscca huarmicuna. Paicunacca Opus Deipa huasincunapim llancancu tucui ima serviciota ruraspa, chaipi santo-caita mascaspancu, profesional causaita apaspancu.

Prelaturapacc sacerdotencuna lloccsimuncu quiquin Opus Deipa runancunamantam: numerarios otacc agregadocunam Diosman ccocuncu sacerdotal vocacionta chasquispancu, achca huata Opus Deipi casccancupa ccepanta. Paicunam estudiota rurancu sacerdote canancupacc, preladom paicunata huaccyan sagradas órdenes chasquinancupacc. Chai sacerdotecunacca llancancu Opus Deipa apostoladocunapim, teccsimuyupi suyucunapi.

AYLLU UCUPI CAUSAI

Opus Deipi cacc runacunacca quiquincupa ayllun ucupim jinapunim causancu, sumacc aylluchasccacama. Chai raicum huasincupas can (centros) maiccen ayllupa huasin jinalla: chaipim tiyancu sumacc causaita apaspancu, jauca vidapi, sapacama huaquin runamasinta servispa, huauccentincama, otacc panintincamapas, Diospa churincuna casccancu raicu, juc vocacionllata apasccancu raicu.

HUAQUIN HUILLACUICUNA

Cai Prelaturapim cunan taricun 87.000 runacuna. Paicunamantam 1.900 sacerdotecuna cancu. Huarmicunam cancu jucnin parten (la mitad), jucnintacc ccaricuna.

Teccsimuyupim caina raquicuncu:

África: 1.800
Asia – Oceanía: 4.800
América: 29.400
Europa: 49.000